شارپرێس: هێمن مامەند
بۆرێگریكردن لەتێكدانی خانووە كۆنەكانی گەڕەكی شێخانی شاری سلێمانی لیژنەیەكی هاوبەش لەپەرلەمان پێكدەهێندرێت.
مەم بورهان قانع پەرلەمانتاری لیژنەی رۆشنبیری پەرلەمانی كوردستان تایبەت بە"شارپرێس" ی راگەیاند، بۆرێگریكردن لەتێكدانی گەڕەكی شێخانی سلێمانی لەگەڵ سەرۆكایەتی پەرلەمان قسەمان كردووەو سەرۆكایەتی پەرلەمانیش هەردوو لیژنەی رۆشنبیری و شارەوانی راسپاردووە بۆپێكهێنانی لیژنەیەكی هاوبەش.
مەم ئاماژەی بەوەشكرد، لیژنەكە لەپێنج كەس پێكدێت ، سێ ئەندامی لیژنەی شارەوانی و دووئەندامی لیژنەی رۆشنبیری تێیدا بەشداردەبن.
گەڕەكی شێخانی سلێمانی گەڕەكێكی كۆنە و شێوازی ئاساری وەرگرتووە، بۆیە ئەو پەرلەمانتارە بە پێویستی زانی وەزارەتی شارەوانی رێگری لەهەوڵی رووخاندنی ئەم گەڕەكە بكات.