دووپەرلەمانتاری ئێران بەهۆی گەندەڵیەوە بە پێنج ساڵ زیندانی سزادران

جیهان

19/05/2020‌ 194 جار خوێندراوه‌ته‌وه

شارپرێس:
بەتۆمەتی گەندەڵی دووپەرلەمانتاری ئێران سزای زیندانی 61 مانگ بەسەریاندا سەپێندرا. 

بەگوێرەی میدیاكانی ئێران  ئەمڕۆ ده‌زگای دادوه‌ری ئێران سزای 61 مانگ زیندانیكردنی به‌سه‌ر دوو په‌رله‌مانتاری ئه‌و وڵاته‌دا سه‌پاند دوای ئه‌وه‌ی كه‌ تۆمه‌ته‌كانیان به‌سه‌ردا ساغ بوویه‌وه‌.

دوو په‌رله‌مانتار به‌ ناوه‌كانی فه‌ره‌یدوون ئه‌حمه‌دی نوێنه‌ری شاری زه‌نجان و محه‌مه‌د عه‌زیزی نوێنه‌ری خه‌ڵكی ئه‌بهه‌ر ی به‌ تۆمه‌تی گه‌نده‌ڵی و به‌شداریكردن له‌ تێكدانی سیستمی دابه‌شكردنی ئۆتۆمبێل له‌ بازاڕه‌كانی ئێران به‌ 61 مانگ زیندانیكردن سزا دا.

باسیان لەوەشكردووە، هەردوو پەرلەمانتارەكە لە ساڵی ڕابردوەوە له‌لایه‌ن هێزه‌ ئه‌منییه‌كانه‌وه‌ ده‌ستگیر كران.