شارپرێس

لە ماوەی كەمتر لە 9 مانگدا نزیكەی 110 خوێندكار لە سەرتاسەری ئێران دەستبەسەركراون، 17 مامۆستا و 5 خوێندكاریش سزای بەندكردنیان بەسەردا سەپێنراوە

ڕێكخراوی مافی مرۆڤی هەنگاو بڵاویكردەوە، بەپێی ئامارەكان لە سەرەتای ساڵی 2023 ەوە تائێستا، 110 منداڵ و خوێندكار كە ناسنامەیان ئاشكرابووە، لەگەڵ 43 مامۆستای خوێندنگا لە سەرتاسەری ئێراندا لەلایەن هێزە ئەمنییەكانەوە دەستبەسەركراون، هەروەها 17 مامۆستا و 5 خوێندكار سزای بەندكردن و لێدانی قامچییان بەسەردا سەپێندراوە، كە خوێندكارەكان خەڵكی شارەكانی كوردستانن.

بەپێی ئامارەكە، ئەو 110 خوێندكارە، 47 كەسی كورد و 47 كەسی بلوچیان لە نێودابووە، كە دەكاتە 85% دەستبەسەركراوەكان، هەروەها 47 مامۆستا دەستبەسەركراون كە 26 كەسیان كوردبوون.