موعین کازمی، ئەندامی لیژنەی دارایی پەرلەمانی عێراق بە ئاژانسی بەغداد ئەلیەومی راگەیاند: حکومەت و بانکی ناوەندی کار دەکەن تا بە تەواوی کۆتایی بە قەیرانی دۆلار بهێنن.
بەوتەی موعین کازمی، لە دۆسییەی دۆلاردا بەرەوپێشچوونی زۆر هەیە و بازار کۆنترۆڵکراوە، دابەزینی بەهای دۆلاریش لە بازاڕدا هەست پێدەکرێت.
ئەندامەکەی لیژنەی دارایی پەرلەمانی عێراق وتیشی "لەگەڵ هاتنی ساڵی تازەدا بەهای دۆلار دادەبەزێت و دینار بەرز دەبێتەوە".
باسی لەوەشکرد، "لەو باوەڕەداین عێراق لە رووی ئابووری و داراییەوە، لە ساڵی نوێدا سەقامگیر دەبێت".