ڕوانگەی سوری بۆ مافەكانی مرۆڤ پشتڕاستی كردەوە كە چەكدارانی بیانی نا سووری وەك بەرپرسی ئەمنی لە گوندی ئەلرەقامەی سەر بە پارێزگای حومس كە زۆرینەی عەلەوییەكانن دامەزرێندراون، ئەمەش ترس و نیگەرانی لای دانیشتوانەكەی لێكەوتەوە.
بە وتەی یەكێك لە دانیشتووانی گوندەكە، "چەكدارانی بیانی چیچانی هێنراونەتە ناوچەكە، ئەمەش ترسی خەڵكی گوندەكەی لە پێشێلكارییەكانی دژی عەلەوییەكان دروستكردووە".
ئاماژەی بەوەشكرد، سەرجەم چەكدارانی پێشوو و خۆبەخشەكانی ناو ڕیزەكانی دەزگای هەواڵگریی سوریای سەر بە ڕژێمی ئەسەد، كە تۆمەتبارن بە ئەنجامدانی پێشێلكاری و كۆمەڵكوژی دژی سورییەكان، لە دوای كەوتنی ئەسەدەوە گوندەكەیان بەجێهێشتووە، لە ترسی دەستگیركردن و لێپێچینەوە.
ئەمەش لە كاتێكدایە كە هێزەكانی ئاسایشی گشتی ڕۆژی چوارشەممە هەڵمەتێكیان بۆ سەر گوندی ئەلڕەقامە لە ڕۆژهەڵاتی حومس ئەنجامدا و لە ئەنجامدا پێنج هاوڵاتی مەدەنی ئەو گوندە دەستگیركران.