شارپرێس:
دوو پێشمەرگەی ئێزیدی لە شەنگال ڕفێندران و تا ئێستاش چارەنوسیان نادیارە.
ئەمڕۆ یەکشەممە لیواکەی قاسم شەشۆ ڕفاندنی دوو پێشمەرگەی خۆی لەلایەن کەسانێکی نەناسراوەوە و لەکاتی گەڕانەوەیان لە چیای شەنگال ڕاگەیاند.
ئەو دوو پێشمەگەیەی ڕفێندراون ناوەکانیان برجیس خەڵەف عیدۆ و جەمیل خدر سەرحانە.
ڕفاندنی ئەو دوو پێشمەرگەیە لە کاتێکدایە، ڕۆژی سێشەممە فڕۆکە جەنگییەکانی تورکیا چیای شەنگالیان بۆردوومانکرد و بەهۆیەوە 10 کەس شەهید و بریندار بوون.