دەشتی جەمال سکرتێری فیدراسیۆنی سەرانسەری پەنابەرانی عێراقی لە چاوپێکەوتنێکی تایبەتدا لەگەڵ شارپرێس، باس لە دواین ڕێککەوتنی حکومەتی عێراق و حکومەتی بەریتانیا، لەبارەی دیپۆرتکردنەوەی پەنابەرانی عیراقیی لە بەریتانیا دەکات و زۆر پرسی گرنگ دەوروژێنێت.
بڕیارەکەی بەریتانیا و عێراق بۆ ناردنەوەی بەزۆری پەنابەران کام پەنابەرانە دەگرێتەوە؟ ئەم بریاری ناردنەوەی زۆرەملێی ئەم پەنابەرانە بۆچی لەم کاتەدا؟
دەشتی جەمال: بریاری ناردنەوەی زۆرەملێی پەنابەران ئەو پەنابەرانە دەگریتەوە کە داواکاری پەنابەریەکەیان لەسەر بنەمای کەیسێک کەداویانە لەلایەن وەزارەتی ناوخۆوە رەتکراوەتەوە وەیان دوای تانەدان بە پرۆسەیەکدا رۆیشتوە و لەلایەن دادگاشەوە و باوەر بەکەیسەکانیان نەکراوە. ئەوەش بلێم ئەو پەنابەرانەی کە داواکاریەکانیان لەیەکەم چاوپێکەوتنی لەگەل وەزارەتی ناوخۆ رەفز بووە دەرفەتێکیان دەدرێتێ کە تانە بدەن لەوەلامی وەزارەتی ناوخۆ، بەلام بەهۆی برینی هاوکاری ماددی بۆ خزمەتگوزاری یاسایی زۆر لەو پەنابەرانە خۆیان توانای ئەوەیان نیە تانە بدەن لە وەڵامی ڕەفزەکەیان، بۆیە رەنگە هەموو ئەوانەش بگرێتەوە کە توانای داراییان نیە خۆیان پاریزەر بگرن بۆئەوەی داوا بکەن چاوبخشێننەوە بە کەیسەکانیان و داوای پەنابەرییان و مەترسییان لەسەر دەبێت .هەروەها پەنابەرانێك کە کیشەی تاوانیان هەیە وسزا دراون لەگەل ئەوەی کە حکومی سزاکەیان تەواو بوو، پێویستە ئازاد بکرێن وەیان دوای سزاکەیان ئازادکراون، بەڵام هەر لەبەردەم مەترسی گرتن و بەزۆر ناردنەوەدان.
ئەم بریارەش بەدوای سەردانی ئیڤیت کۆپەر وەزیری ناوخۆی بەریتانیا بۆ عێراق دێت لە ڕێکەوتی ٢٦ نۆڤمبەری ٢٠٢٤و کۆبوونەوە لەگەل وەزیری ناوخۆی عێراق، عبدول ئەمیر شەمەری و پاشان سەردانی هەرێمی کوردستان و کۆبوونەوە لەگەل نیچیرڤان بارزانی، سەرۆکی هەرێم و مەسرور بارزانی، سەرۆکی حکومەتی هەرێم، ئەو دەرەنجامەی لێکەوتەوە کە رێکەوتنێکی ئەمنی- یاسایی لەنێوان بەریتانیا و عێراق و هەرێمی کوردستان واژۆ بکرێت تایبەت بە مەسەلەی پێشگرتن بە کۆچی نایاسایی لە عێراق و هەرێمەوە بۆ بەریتانیا و گۆڕینەوەی زانیاری و هاوکاری یاسایی و ڕادەستکردنی قاچاخچیەکان و هەروەها ناردنەوەی ئەو پەنابەرە عێراقیانەی کە کەیسەکانیان رەدکراوەتەوە. سەردانەکەی محمد شیاع سودانی بۆ لەندەن و کۆبوونەوەی لەگەل ستارمەر ، هەنگاوە کردارییەکانی جێبەجێبوونی ئەم هەنگاوە نامرۆڤانەیان تاوتوێکردووە.
عێراق و بەریتانیا لە ڕووی ماددییەوە چی دەدەنە ئەو پەنابەرانەی بە زۆر دەیانگەڕێننەوە؟
دەشتی جەمال: لە ڕێکەوتننامەکەدا هیچ ئاماژەیەك نەدراوە کە هیچ کۆمەکێك بخرێتە ئیختیاری ئەو کەسانەی کە بەزۆر دەنێرێەوە، بەڵام هەروەك ئاشکرایە پەیامێك کە لەناوەرۆکی سیاسی ئەم گریبەستەدا خۆی حەشارداوە، دەسکەوتێكی ئابوری گرنگە لەم دۆخە قەیرانگرتوە ئابوریەی بەریتانیادا کە بە بڕی ١٢.٣ملیارد پاوەند دەخەمڵێنرێت وە دەسکەوتێکیشە لە بواری ئەمنی و جێبەجێکردنی سیاسەتی دژی پەنابەری حکومەتەکانی بەریتانیا کە ساڵانێکە بەشێوازی جۆراوجۆر و دەیان ئیمکانێتی ماددیان بۆ بەخەرجدا سەرکەوتنێکی ئەوتۆیان بەدەست نەهێناوە بۆ بەرگرتن بەهاتنی پەنابەران. هاوکات بۆ سودانیش دەسکەوتێك بوو بۆرازیکردنی دڵی بەریتانیا و ولاتانی رۆژئاوا لەچوارچێوەی ئەو دۆخە سیاسیە تازەیەی لە ناوچەکە هاتووتە پیشوو هەوڵدان بۆ دوورخستنەوەی عێراق لە هەڕەشەکانی ئیسرائیل لەدوای هێرشەکانی گروپە چەکدارەکانی سەر بەئێران لە عێراقەوە بۆسەر ئیسرائیل.بەم مانایە دەسکەوتی بۆ هەردوو حکومەتی بەریتانیاوعێراق هەیە بۆ پەنابەرانیش بەدەستی خاڵی دەنیرێنەوە.
پرسی ناردنی پەنابەران بۆ ڕواندا چی بەسەر هات؟
دەشتی جەمال: پرسی ناردنی پەنابەران لە چوارچیوەی ریکەوتنامەیەك کەلەنیوان ڕوانداو پارتی پاریزگاران کرابوو بەدوای هاتنەسەرکاری حیزبی لیبەر هەڵوەشایەوە، ئەگەرچی پارتی پاریزگاران هەوڵی زۆریدا لە ڕیگەی پەرلەمانەوە و دادگای شاهانەی بەریتانیا تا پشتیوانی ئەوان بەدەستبهێنیت وە دادگای شاهانە لە بەرژەوەندی حکومەت بڕیاری دا، بەلام لەلایەن چەندین پاریزەری خۆبەخش و رێکخراوی داکۆکیکار لەمافەکانی پەنابەران و هەولەکانی ئێمە لە فیدراسیۆنەوە، رووبەرووی ئاستەنگ کرایەوە و جێبەجێ نەکرا تا سەرەنجام حکومەتی تازەی لەیبەر بڕیارەکەی هەڵوەشاندەوە.
ساڵانی داهاتوو وەرگرتنی پەنابەران لە بەریتانیا چۆن دەبێت لەسایەی دەسەلاتی پارتی کرێکاران؟ بەرای ئێوە تائیستا رێژەی داواكردن و كۆچ روولەبەرزبوونەوەدایە یان لەچاو ساڵانی رابردوو كەمی كردوە؟
دەشتی جەمال: سەرەرای هەموو ئەو هەوڵ وە ڕیگەگری وئاستەنگیانەی حکومەتی لیبەر پارتی ناوێتی وە بەپێ ئەو داتایانەی تا ئیستا خراوەتە روو زیاتر لە ٣٦٨٠٠ پەنابەر لە ساڵی ٢٠٢٤دا پەڕیونەتەوە بۆ بەریتانیا، کە بە بەراورد بە ساڵی پێشوو بە ڕێژەی 25% زیادیکردووە هاوکات ئاماری دیپۆتی پەنابەران لەگەڵ هاتنەسەرکاری لیبەر پارتی لە مانگی تەمموزی ٢٠٢٤، زیاتر لە ١٦,٤٠٠ کەسی دیپۆرت کراونەتەوە، کە بەرزترین کۆی گشتی شەش مانگە لە ساڵی ٢٠١٨ەوە. لەم ژمارەیە ٢,٥٨٠ هاووڵاتی بیانی دەگرێتەوە کە سزای تاوانکارییان بەسەردا سەپێنراوە، کە بە بەراورد بە هەمان ماوەی ساڵی پێشوو بە ڕێژەی ٢٣% زیادی کردووە. شایەنی باسە سەرۆك وەزیرانی بەریتانیا کیر ستارمەر جەختی لەوە کردەوە کە گەڕانەوەی خێرا بگرێتەبەر وەکو ڕێگرییەکی کاریگەرتر لە پلانی جێبەجێنەکراوی ئیدارەی پێشووی پارتی پارێزگاران لە ڕواندا، کە پێشبینی دەکرا ٦٠٠ ملیۆن پاوەندی تێبچێت بۆ گواستنەوەی ٣٠٠ کەس. هەروەها وەزارەتی ناوخۆی بەریتانیا ڕایگەیاندووە، ڕێژەی گەڕانەوەی زۆرەملێ بە ڕێژەی 24% بەرزبووەتەوە بە بەراورد بە ١٢ مانگی ڕابردوو، زیاتر لە نیوەی ئەو ١٦،٤٠٠ کەسە ڕۆیشتنی خۆبەخشانەیان هەڵبژاردووە.
وەك ئاگاداری هەڵمەتی گرتن و گەران بەدوای ئەوانەدا كە قاچاخچێتی دەكەن بەكۆچبەروە چ كاریگەریەكی دەبیت؟
دەشتی جەمال: لەپێشدا ئەوە بڵیم ئەم سیاسەتەی ئێستا گیراوەتەبەر دەیەوێت سەرچاوەی کێشەی پەنابەری بخاتە ملی قاچاخچیەکان و ئەو راستیە پەردەپۆشبکات کەهەڵهاتن و ئاورارەیی و خودی دیاردەی کۆچ و پەنابەری بەرئەنجامی سیاسەتی شەرخوازانەو دەستێوەردانی دەولەتانی وەك ئەمریکاو ئەوروپایە، ئەوان بۆ بەرژەوەندیەکانی خۆیان جەنگو گەمارۆی ئابوریان بەسەرکۆمەلاگاکانی ڕۆژهەڵاتدا سەپاندوەو کەوتنەتە گۆڕینی ڕژێمەکان وهیچکاتێکیش نەیانویستووە ڕژێمێکی ئاسودەو خۆشگوزەران بۆ خەلکەکەی دابین بکەن بگرە خەڵکیان لەنیو دڵەراوکێی شەری ناوخۆ ودابەشبونە قەومیو تائیفیەکاندا ڕاگرتوە وهەژاری وسەرکوتو کوشتارو مالوێرانیان بەسەردا سەپاندوە ، خەڵکیش لەپیناو گەران بەدوای ژیانیکی ئاسۆدەدا بەناچاری ڕیگای پەنابەری گرتۆتەبەر، لەوەها حالەتێکدایە کە بازرگانی بەپەنابەرانو قاچاغچێتی بیتەکایەوە. بەواتەیەك دەمەوێت بڵێم حکومەتی بەریتانیا و بەحکومەتەکانی ئەوروپاشەوە فاکتوری دروستکردنی ئەو باندانەن کە بازرگانی بە مرۆڤەوە دەکەن، ئەوان رێگا یاسایەکانیان ئەوەندە قورسکردوە لەبەردەم هاتندا هەموو کەسێکی ئاسایی ناتوانێت بەئاسانی دەستی بەفیزەدا ڕابگات. لە لایەکی ترەوە تا ئیستا رێگەچارەکانی ئەم حکومەتانە بۆ پێشگرتن بە لێشاوی پەنابەری توندکردنەوەی سنورەکان وڕیکەوتننامە واژوکردن بووە لەگەل ئەو ولاتانەی دەروازەیەکن بۆ پەرینەوەی پەنابەران وەیان ریکەوتن بۆ گێرانەوەی بەزۆرەملی لەگەل ئەو دەسەلات و حکومەتە سەرکوتگەرانەی کە هاولاتی ژێر دەستی خۆیان ناچار بەهەڵبژاردنی ژیانی پەنابەری کردوە و ریسکیان بە ژیانی خۆیان و خیزان و مناڵەکانیانەوە کردوەو گەشتی مەرگیان هەڵبژردوە! زۆرجار کارەساتی تراژیدیای و خنکان و بێسەروشۆێن بوونی لێکەوتۆتەوە..خۆیان لە ڕیگەچارە کارسازوعەمەلی و واقعی دوردەخەنەوە کە زەمینەی ناچارکردنی خەڵکی ئەو کۆمەڵگایانەیە کە رووبەرووی جەنگو مالویرانی ئاوارەی بوونەتەوە کەخودی ئەم ولاتە بەرپرسی سەرەکین لەهەڵگیرساندنی.
ئەوەی کە چ کاریگەریەکی هەیە بەراستی بەرهەڵستیکردنی ئەو باندودەستانەی بازرگانی بەگیانی مرۆڤەکانەوە دەکەن کۆنترۆڵکردنی عەمەلیەکی قورس و ئاستەمە. ئاوردانەوەیەکی خێرا بەو هەموو ڕێگاچارانەی یەکیتی ئەوروپا و حکومەتی بەریتانیا گرتویانە بەر تا ئێستە نەیاتوانیوە هەموو دەروازەیەك بەرووی هاتنی پەنابەراندا دابخەن وسەرباری ئەوەش دەبینین هێشتا هەر هاتنی بەلێشاوی پەنابەران درێژەی هەیە . تائەوکاتەی زەمینەکانی ئەو هەڵومەرجەی ئەم حکومەتانە بەهۆی سیاسەتی شەرومیلیتاریزم و پاوانخوازیەوە لەو کۆمەڵگایانەدا کە خەڵکەکەیان ناچار بەهەڵبژرادنی ژیانی پەنابەری کردوە ئیختیاریەکیان لەبەردەم نەهیشتوونەتەوە ..، ڕیشەکیش نەکرێت.
دەتوانی بەگوێرەی ئەو داتایانەی لەبەردەستدان، تا ئێستا چەند كۆچبەری كورد لەئاوەكاندا خنكاون؟
دەشتی جەمال: بەپی ئەو زانیاریانەی لەبەردەست لقی کوردستانی فیدراسیۆندایە لە ٨ساڵی رابردودا نزیك بە ٢٢٠پەنابەری کورد لە دەریا و دارستانەکان لەناو شاحینەو...رووداوی تری نەخوازراودا ژیانیان لەدەستداوەو بیسەروشۆین بوون. کە رەنگە لەوە زیاتر بێت. ئەمە تەنها ئەوەی لای ئیمە تۆمارکراوە لەدەستبەکاربوونی ئۆفیسی رێکخراوەکەمان لە کوردستان.
ژمارەی پەناهەندەی كوردان بەگوێرەی وڵاتەكان چەندە؟ تا چەندە داتای لەوشێوەیەتان لەبەردەستدایە؟
دەشتی جەمال: بەڕاستی ناتوانرێت داتایەکی دەقیق بخریتەروو لەبەرئەوەی پەنابەرانی کورد کاتیك دەگەنە هەر ولاتێك وناسانامەی خۆی دەخانە ڕووە داوای پەنابەری دەکەن وەك هاولاتیەکی عێراقی ناسنامەی ولاتەکەی هەژماردەکرێن . وەیان زۆر جار پەنابەران بەهۆی سەختگیری داوای پەنابەریوە لە ولاتەکان ناچارکراون ناسنامەی خۆیان بەجۆرێك بگونجێنن تا لەمافی پەنابەری بەهرەمەند بن. لەگەڵ ئەوەشدا داتای ئەو پەنابەرە عێراقیانە لە ولاتێکەوە بۆ وڵاتێکی تری ئەوروپا جیاوازە وبە پێ ئەو داتایانەی لەلای ئیمە ، بەرپرسیارانی فیدراسیۆن لە ولاتەکان بەردەستە زیاتر لە ٨٠هەزار هاولاتی عێراقی لەدوای روخانی رژیمی بەعسەوە روویان لەژیانی پەنابەری کردوە ...زیاتر لە ٢٠هەزار لەماوەی ٥ساڵی رابردودا گەیشتوونەتە بەریتانیا وداوای مافی پەنابەرییانکردوە.
لە ولاتی کەنەدا لەساڵی ٢٠٢٤دا ٣٩٥داواکاری هاولاتیانی عێراقی بووە لەوانە ٢٢١داواکاری قبوڵکراوە وئەوانی تررەفزکراون وداوای چاوپاخشانەوەیانکردوە.لە ولاتی ئەڵمانیا ٩٠٤٦هاولاتیانی عێراق هەرێم داوای مافی پەنابەرییانکردوەو ژمارەی دیپۆرتکراوەکان نزیک بە٤٠٠ پەنابەر کە ژمارەیەکی زۆر هاولاتی هەرێمی کوردستانن.لە ولاتی سویسرالەمانگی ١٢ی ٢٠٢٤دا ٢٦٩٠هاولاتی عیراق وهەرێم کەیسەکانیانکراوەیە ووەلامی پەنابەرییان یەکلا نەبۆتەوە.و١٣پەنابەر دیپۆرتی عێراقکراونەتەوە لە ولاتی نەرویج لەسالی ٢٠٢٤دا ٢٧هاولاتی عێراقی داوامافی پەنابەرییانکردوە ...لەولاتەکانی تریش ریژەکان کەمتر یان زیاترە.جگە لە دەیان پەنابەری عێراق وهەرێم کەلەلایەن عکومەتی تورکیاوە دەستگیرکراون لەسەر سنورەکان وەیان لەکاتی دیپۆرتیان بۆ تورکیا زیندانیکراون وەپاشان دیپۆرتی عێراق وهەرێم کراونەتەوە.
بەگشتی رەوشی ژیان گوزەرانی پەناهەندەكان لەچاو ساڵانی رابردوودا چەند گۆرانی بەسەرهاتوە؟
دەشتی جەمال: بەگشتی ژیان گوزەرانیان لەدۆخێکی هێجگار خراپدایە بەهۆی رۆژ بەرۆژ گۆرینی یاساکانی ئەم ولاتانە بەرامبەر بەداواکاری پەنابەری ودەرگا داخستن بەروو پەنابەراندا لەبەرتەسکردنەوەی مافەکانیان،زیندانیکردن ،راگرتنیان لە کەمپ و هایم هۆتیل و کەشتی و جێگا سەربازیەکان..ساڵانێک بەدیاروەلامی پەنابەریەوە، بڕینی خزمەتگوزاریە گشتیەکان لەمافی خۆیندن و گرتنی پاریزەرو کارکردن و دەستراگەیشتن بەخزمەتگوزاری تەندروستی، دانانی ئیمزای هەفتانەومانگانە،دانی پارەیەکی کەم وەیا زۆرجار کۆبۆن بۆئەوەی کە خواردنی رۆژانەی خۆیانی بەدیاریکراوی پێ بکرن...تا مەترسی گرتن لەدوای وەلامی رەتکردنەوەی داوای پەنابەری و راگرتنیان لە گرتووخانە دەستبەسەرەکان...ئەمە جگە لە مەترسیەکانی پەلاماردانی کەمپ و هایم و هۆتیلەکان لەلایەن گروپ وکەسانی راسیست و نەژاد پەرستەکانەوە کەزۆر توندوتیژی و کارەساتی لێکەوتۆتەوە ..وەهەروەها هەمیشە پارتە راسترەو و دژە پەنابەریەکانیش کارتی پەنابەرییان بەدەستەوە گرتوە لە هەڵمەتی هەلبژاردنە پەرلەمانیەکان تا ئاکامی قەیران و گرانی و خراپبوونی باری ژیانی خەڵك وسەپاندنی سیاسەتی سکهەڵگوشین و بێکارسازی و گرانی وقەیرانە کوشندەکانیان کە بەسەر شانی خەڵکی کەمدەرامەتدا دەیشکێنەوە، خەتاکەی بخەنە ئەستۆی پەنابەران کەگوایە ئەوەی هۆکاری بێکاری و نەمانی خزمەتگوزاریە گشتیەکانە ئەو رێژە زۆرەی پەنەبارانن کە بوونتە بارگرانی بەسەر ئابوری وڵاتەکانیانەوە. بەداخەوە پەنابەران دەخرێتە خانەی جیاوازەوەو بەکەمایەتی ناوزەددەکرێن لەکاتیکدا ئەمانە ئینسانن و پیویستە وەك هاولاتی ماف یەکسان تەماشا بکرێن. بەم مانایە لەژیرسایەی ئەم هەلومەرجە نۆییەی ئیستا وهینانەکایەی سیستەمیکی نۆی جیهانی وئارایشدانەوە جاریکی تری جیهان لەسەر بنەمای دنیای چەند جەمسەری کە کۆمەلگای بەشەری لەگەل جەنگ وملیتاریستی بەرەو رووکردوەتە بۆتە نەهامەتی وکارەسات ..،ئاسەوارەکانی بۆسەرکۆمەڵگا بەگشتی وپەنابەران دەرکەوتوە و هەموو ئەوماف و دەستکەوتانەی بەرهەمی خەباتی خەڵکی کرێکارو زەحمەتکیش بەدەستهاتووە خەریکە وەردەگیرێتەوە.
كورد بەگشتی رەوەندێكی فراوانی لەهەندەران هەیە بۆچی تائیستا ناتوانن كاریگەری لەسەر رای گشتی دروست بكەن و پێكەوە كۆببننەوە؟
دەشتی جەمال: بێگومان پرسیارەکەی ئێوە بەو ئاراستەیەدایە کە بۆچی کوردستانیانی دەرەوە لەدەوری رایەکی گشتی لەسەر پرسەکانی پەیوەند بە کوردستانەوە یان پرسە نەتەوەییەکان کۆك نین و خاوەنی یەك هەڵویست نین؟ بەڵام من ئەم مەسەلەیە بە جۆرێکی دیکە دەبینم. ئەویش ئەوەیە کە ئەو هاوڵاتیانەی کوردستان کە لە وڵاتانی دەرەوە دەژین ڕەوتی سیاسی جیاواز ودژبەیەك لەنیویاندا نفوزی هەیە، و هەموویان وەکو یەك لەکێشەی پەنابەری ناڕوانن.. رەوتی ناسیونالیزموکوردایەتی و ئیسلامی سیاسی کەبەم دوایانە نفوزی پەیداکردوە، لەهەوڵدان مەسەلی پەنابەریو خواستی هاوبەشیان بخنە ژیر سایەی بەرژوەندی حیزبەکانی کوردستانەوە وئەوە لەبیر پەنابەران بەرنەوە کەخۆیان لەدەست ئەو زولمو زۆرو بێدایە هەڵهاتون کەلەکوردستاندا هەرئەم حیزبانەو ئەزمونەکەیان بەسەریاندا سەپاندووە. بەشێکی تریش لەپەنابەران کەتێکەل بەکارو ژیانی ئەوروپابون وەك بەشێکن لە چینی کرێکاری ئەو ووڵاتانەو دۆخی ژیانی چینی کرێکار لەسەر ئەوان کاریگەری دادەنێت و بەپێی مەنتق دەبێت بەشێك بن لە بزوتنەوەی نارەزایەتی خەڵکی کرێکار و زەحمەتکێشی ئەو وولاتانە.. کە ئەمە مەسەلەی هیچ کام لەو حزبانەی کوردستان نیە کە لەناو رەوەندی کوردیدا نفوزیان هەیە بێجگە لە حزبی کۆمۆنیستی کرێکاریی. لەلایەکی دیکەوە رەوەندی کوردی بەشیوەیەکی گشتی رەوەندێکە کەتەنها بەهۆی کێشەی ئابوریەوە نەهاتونەتە ووڵاتانی دەرەوە و زیاتر کێشەی سیاسی و ئەمنیە کە بەشێکی زۆریان دابەشبوون بەسەر حزبە سیاسیەکانی کوردستاندا و ئەوانیش بەپێی بەرژەوەندی خۆیان کاریگەری لەسەر ئەو خەڵکە دادەنێن... وەکو دەزانن حزبەکانی کوردستانیش نەریتێکی سیاسیان هەیە کە زیاتر نەریتی شەڕی ناوخۆیەو لەسەر دژایەتی و شکاندنی یەکتر نفوزدەگرن و کەلتورێکی قێزەون رەواج پێدەدەن لەپەیوەندی سیاسی نێوانیاندا... هەروەها لەلایەکی دیکەوە بەشێك لەو حزبانە لە کوردستان ژیانی خەڵکیان بە بارمتە گرتوەو بەشێك لەو خەڵکەی لەوێ هەڵهاتووە لەدەستی زوڵم و ستەمی سیاسی و ئابوری ئەوان کوردستانی جێهێشتوەو رێگای پەنابەری گرتۆتەبەر.. بۆیە ئاسان نیە کە خەڵکێك لەو حزبانە هەڵهاتبێت بتوانی لەگەڵ ئەواندا لەدەرەوە هاوکاری بکات...
هەربۆیە ئێمە هەمیشە ئەرکی سەرەکی خۆمان بۆ ئەوە داناوە کە کوردستانیان دەرەوە لەدەوری مەسەلە سەرەکیکانی ئەم کۆمەلگایانە و بۆ بەرگری لەبەرژەوەندی ژیانیان ریکخراو یەکرتووبن بەئاسۆیەکی ئینسانی وسیاسی بینە مەیدانەوە تیکەلاوبن وەك بەشی پێشرەوەی ئەم کۆمەڵگایانە. بەشێك بن لە خەباتی چینی کرێکاری لەپێناو ژیانێکی شەرافەتمەند و دوور لە سکهەڵگوشین و بێکاری و هەژاری وە هاوکات دەوریان ببێت لەهەر ئالۆگور و پێشهاتێك کە رووبەرووی کۆمەڵگای کوردستان دەبیتەوە.
