حکومەتی هەرێمی کوردستان 500 ملیار و 61 ملیۆن دیناری لەقەرزی کۆنی پارەی کارەبا لە هاوبەشان وەرگرت.

وەزارەتی کارەبای حکومەتی هەرێمی کوردستان ڕایگەیاند، لێخۆشبوونی بۆ زیاتر لە 400 ملیار دیناری قەرزی پێش ڕووناکی کردووە لەڕێگەی هەڵمەتی داشکاندنەکە.

وەزارەتی کارەبا دەشڵێت: ئەمڕۆ زیاتر لە 70%ـی هەموو هاوبەشانی کارەبا لەسەرانسەری هەرێمی کوردستان هیچ قەرزێکی پێش ڕووناکی لەسەر نییە. قەرزی پێش ڕووناکی بۆ ئەو هاوبەشانەی قەرزییان لەسەر ماوە بەشێوەیەکی ئۆتۆماتیکی دەکرێتە قیستی درێژخایەن، وەک پێشووتر بڵاوکرابووەوە.

داشکاندنی قەرزی پێش ڕووناکی بەمشێوەیە بووە؛

٠ مانگی ئاب:
ژمارەی هاوبەشانی سوودمەند: 409 هەزار و 486
بڕی لێخۆشبوون : 140 ملیار و 91 ملیۆن دینار
بڕی کۆکراوە : 163 ملیار و 64 ملیۆن دینار

٠ مانگی ئەیلوول:
ژمارەی هاوبەشانی سوودمەند: 371 هەزار و 373 
بڕی لێخۆشبوون: 169 ملیار و 95 ملیۆن دینار
بڕی کۆکراوە: 216 ملیار و 79 ملیۆن دینار

٠ مانگی تشرینی یەکەم:
ژمارەی هاوبەشانی سوودمەند: 170 هەزار و 239
بڕی لێخۆشبوون: 92 ملیار و 27 ملیۆن دینار
بڕی کۆکراوە: 120 ملیار و 18 ملیۆن دینار

٠ کۆی گشتی:
ژمارەی هاوبەشانی سوودمەند: 951 هەزار و 98
بڕی لێخۆشبوون: 403 ملیار و 13 ملیۆن دینار
بڕی کۆکراوە: 500 ملیار و 61 ملیۆن دینار