شارپرێس:

بەهۆی لافاوەکەی شەوی رابردوی هەولێر، بافڵ تاڵەبانی پەیامێکی هاوخەمی بۆ خەڵکی شارەکە دەنێرێت و دەڵێت،" دڵمان لاتانە و بە غەمبارییەوە چاودێریی دۆخی سەختی ئێوە و لێکەوتەکانی لافاوەکەی شەوی رابردوو دەکەین ".

بافڵ تاڵەبانی، سەرۆکی یەکێتی نیشتیمانی کوردستان لەپەیامێکدا بۆ هاوڵاتییانی هەولێر ئاماژەی بەوەکرد،" لە قوڵایی دڵمانەوە سەرەخۆشی و هاوخەمیی خۆمان ئاراستەی کەسوکاری ئەو پەپوولە بێتاوانە و ئەو گەنجە دەکەین کە لەپێناو رزگارکردنی ژیانی هاونیشتمانییانی دیکەدا گیانی خۆی بەخشی و بووە هێمای قوربانیدان ".

بافڵ تاڵەبانی دەشڵێت،" لە خودای گەورە داواکارین بە بەهەشتیان شاد بکات و سەبووری بە خانەوادەکانیان ببەخشێت ".