شارپرێس:
وەزارەتی بازرگانی و پیشەسازیی حکومەتی هەرێمی کوردستان ڕایگەیاند،" بڕیارە بەم نزیکانە بڕە پارەیەک وەک بەشی یەکەمی شایستە داراییەکانی ئەمساڵی جوتیارانی هەرێمی کوردستان بخرێتە سەر ئەژماری وەزارەتی بازرگانی و پیشەسازی". 

 
وەزارەتی بازرگانی و پیشەسازیی حکومەتی هەرێمی کوردستان لەڕاگەیەندراوێكدا ڕایگەیاند،"بڕیارە لەم نزیکانە بڕە پارەیەک وەک بەشی یەکەمی شایستە داراییەکانی ئەمساڵی جوتیارانی هەرێمی کوردستان بخرێتە سەر ئەژماری وەزارەتی بازرگانی و پیشەسازی، وە بەگەیشتنی ئەو بڕە پارەیە ڕاستەوخۆ دابەشدەکرێت بەسەر جوتیاراندا".

ئەوەش خراوەتەڕوو،  بەپێی ڕۆژی ڕادەستکردنی گەنمەکانیان بەسایلۆکانی هەرێمی کوردستان پارەكە بەسەر جوتیاراندا دابەشدەكرێت".

ئەمە لەكاتێكدایە، ئەمرۆ وەزارەتی بازرگانی عێراق ئاشكرایركد، زیاتر لە 500 ملیار دینار وەك شایستەی گەنمی جوتیاران خەرجكرا.