شارپرێس:

بەڕێوەبەرایەتی کەشناسی پێشبینییەکانی خۆی بۆ کەشوهەوای ئەمڕۆ و سبەی بڵاوکردەوەو دەڵێت، لەزۆربەی ناوچەکان نمەباران و بارانی مامناوەند دەبارێت، سبەینیش لەکاتەکانی ئێوارەدا کەش ئاسایی دەبێتەوە.

بەڕێوەبەرایەتی گشتی کەشناسی و بومەلەرزەزانی هەرێم لەڕاگەیەنراوێکدا دەڵێت،" ئەمڕۆ ئاسمان هەوری تەواو دەبێت، بارانبارین لەزۆربەی ناوچەکان بە پچڕپچڕی بەردەوامی دەبێت، هەندێک کات بارانبارین بەشێوەی تاوەباران و هەورە بروسکە دەبێت، پێشبینی دەکرێت زۆرترین ڕێژەی دابارین لەناوچەکانی ئیدارەی سۆران و ناوچە شاخاوییەکانی پارێزگای دهۆک بێت ".

سەبارەت بە کەشوهەوای سبەی شەممە، کەشناسی دەڵێت،" ئاسمان لەنێوان نیمچە هەور بۆ هەوری تەواو دەبێت، نمەباران و بارانی مامناوەند لە کات و شوێنی جیاواز بەپچڕپچڕی دەبارێت، بەتایبەت لە ناوچە شاخاوییەکان لە کاتەکانی دوایی نیوەڕۆ کەش سەقامگیر دەبێتەوە ".

بەرزترین پلەکانی گەرمای پێشبینیکراوی ئەمڕۆ بە پلەی سیلیزی
هەولێر: 31 پلەی سیلیزی
پیرمام: 26 پلەی سیلیزی
سلێمانی: 30 پلەی سیلیزی
هەڵەبجە:33 پلەی سیلیزی
چەمچەماڵ: 32 پلەی سیلیزی
دهۆک: 27 پلەی سیلیزی
زاخۆ: 27 پلەی سیلیزی
گەرمیان:35 پلەی سیلیزی
حاجی ئۆمەران:21 پلەی سیلیزی